Conlationes Patrum (Collationibus)

Cassian, John

John Cassian. Johannis Cassiani Opera, Pars II (Corpus Scriptorum Ecclesiasticorum Latinorum, Volume 13). Petschenig, Michael, editor. Vienna: Gerold, 1886.

Vbi cum aduenientibus nobis fauens desideriis nostris diuinitas beatissimi atque praecipui uiri Archebi episcopi praestitisset aduentum, qui raptus de anachoretarum coetu et episcopus Panephysi oppido datus tanta districtione omni aeuo suo propositum solitudinis custodiuit, ut nihil de praeteritae humilitatis tenore laxauerit aut de adiecto sibi honore [*](1 qaur O 4 de om. ΠΟ: cf. XII, 5, tit, Inst. IIII, 43 5 caritatis 0 6 expositiones JI* postulatae. Finiunt capitula abbatis chaeremonis de perfectione (a. cb. de p. om. II) 2 Π Explicit capitulatio. Incipit conlatio sca ceremonis de perfectione 0 7 Cum] incipit T, cuius primum folium deperditum at, praemissa inscriptione: Incipit collatio prima abbatis cheremonia de perfectione oenobiia nriae O 11 plurimus Π1 gloria Σ glorie fama O 12 saltem ΣΙΙ2 18 tbennensos T 16 adque 0 18 exstruendis IJT 21 arehaebi Σ archae (-e) bii HTO 22 coeto E et om. 0 23 panejisi X panephisi ΠΟ phanephysi T destrictione ΣΠΟ )

315
blanditos sit (non enim tamquam idoneum se ad istud officium testabatur adscitum, sed ut indignum ab illa anachoreseos disciplina querebatur expulsum, eo quod triginta et septem annis in eadem conmoratus ad puritatem tantae professionis nequaquam peruenire potuisset): hic igitur cum in supra dicta Thenneso, quo eum eligendi illic episcopi causa perduxerat, pie nos atque humanissime suscepisset, agnito desiderio nostro, quo sanctos patres etiam in ulterioribus Aegypti partibus inquirere desiderabamus:

uenite, inquit, uidete interim senes haud longe a nostro monasterio consistentes, quorum ita et antiquitas in corporibus iam curuatis et sanctitas in ipso etiam fulget aspectu, ut uel sola contemplatio eorum magnam intuentibus possit conferre doctrinam: a quibus id, quod ego amissum doleo quodque tradere iam perditum nequeo, non tam uerbis quam ipso sanctae uitae discatis exemplo. credo autem inopiam meam hoc studio aliquatenus subleuandam, si inquirentibus uobis illam euangelicam margaritam, quam ipse non habeo, saltim prouidero ubi eam conmodius conparetis.