De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

  1. Haec concordia temperat aequis
  2. elementa modis, ut pugnantia
  3. vicibus cedant humida siccis
  4. iungantque fidem frigora flammis,
  5. pendulus ignis surgat in altum
  6. terraeque graves pondere sidant.
  7. His de causis vere tepenti
  8. spirat florifer annus odores,
  9. aestas cererem fervida. siccat,
  10. remeat pomis gravis autumnus,
  11. hiemem defluus inrigat imber.
  12. Haec temperies alit ac profert,
  13. quicquid vitam spirat in orbe;
  14. eadem rapiens condit et aufert
  15. obitu mergens orta. supremo.
  16. Sedet interea conditor altus
  17. rerumque regens flectit habenas
  18. rex et dominus, fons et origo,