De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

Fac, obsecro, et quae illa vera sit, sine cunctatione demonstra. — Faciam, inquit illa, tui causa libenter, sed quae tibi causa notior est, eam prius designare verbis atque informare conabor, ut ea perspecta, cum in contrariam partem flexeris oculos, verae specimen beatitudinis possis agnoscere.-

  1. Qui serere ingenuum volet agrum,
  2. liberat arva prius fruticibus,
  3. falce rubos filicemque resecat,
  4. ut nova fruge gravis Ceres eat.
  5. Dulcior est apium mage labor,
  6. si malus ora prius sapor edat.
  7. Gratius astra nitent, ubi Notus
  8. desinit imbriferos dare sonos.
  9. [*]( 12 PlatRep. 515ce. 516ab. 51sc (Klingner 30,1) 13/14 Meno 77 s. 82 a (σοῡ i\'vtxa) 16/17 Rep. 514b. 518 cde. 519 (περιάγω, περι- στρέϕω, Klingner 30, 3) 22 cf. Mart. Cap. 37,4 (24,5): Ceres adroodam gravis femina )[*](PFCLVDKE)[*](1 post haec F1L1V1 Aur1 D Laud KE arbitror PE 6 (vos) quae P 7 deangustata P (us in ras. V) 12 potes F2V2 15 quae e corr. CD Laud, ut vid. V qm P quo L1 quo Aurx E causa del. Peip.2, cf. infra p. 68, 7 sqq. Eng. 17 beat. specimen W beat. speciem Peip. (en-ore quodam) 25 nothus FV2КE )
    47
  10. Lucifer ut tenebras pepulerit,
  11. pulchra dies roseos agit equos.
  12. Tu quoque falsa tuens bona prius
  13. incipe colla iugo retrahere:
  14. vera dehinc animum subierint.

Tum defixo paululum visu et velut in augustam suae mentis sedem recepta sic coepit:

Omnis mortalium cura, quam multiplicium studiorum labor exercet, diverso quidem calle procedit, sed ad unum tamen beatitudinis finem nititur pervenire. Id autem est bonum, quo quis adepto nihil ulterius desiderare queat.

Quod quidem est omnium summum bonorum cunctaque intra se bona continens, cui si quid aforet, summum esse non posset, quoniam relinqueretur extrinsecus, quod posset optari. Liquet igitur esse beatitudinem statum bonorum omnium congregatione perfectum.

Hunc, uti diximus, diverso tramite mortales omnes conantur adipisci; est enim mentibus hominum veri boni naturaliter inserta cupiditas, sed a falsa devius error abducit.