De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

  1. stringis lucem breviore mora,
  2. tu, cum fervida venerit aestas,
  3. agiles nocti dividis horas.
  4. Tua vis varium temperat annum,
  5. ut, quas Boreae spiritus aufert,
  6. revehat mites Zephyrus frondes,
  7. quaeque Arcturus semina vidit,
  8. Sirius altas urat segetes;
  9. nihil antiqua lege solutum
  10. linquit propriae stationis opus.
  11. Omnia certo fine gubernans
  12. hominum solos respuis actus
  13. merito rector cohibere modo.
  14. Nam cur tantas lubrica versat
  15. Fortuna vices? Premit insontes
  16. debita sceleri noxia poena,
  17. at perversi resident celso
  18. mores solio sanctaque calcant
  19. iniusta vice colla nocentes.
  20. Latet obscuris condita virtus