De consolatione philosophiae
Boethius
Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.
- crescit in immensum noxia cura!
- Hic quondam caelo liber aperto
- suetus in aetherios ire meatus
- cernebat rosei lumina solis,
- visebat gelidae sidera lunae
- et quaecumque vagos stella recursus
- exercet varios flexa per orbes,
- comprensam numeris victor habebat.
- Quin etiam causas, unde sonora
- flamina sollicitent aequora ponti,
- quis volvat stabilem spiritus orbem;
- vel cur Hesperias sidus in undas
- casurum rutilo surgat ab ortu,
- quid veris placidas temperet horas,
- ut terram roseis floribus ornet,
- quis dedit, ut pleno fertilis anno
- autumnus gravidis influat uvis,
- rimari solitus atque latentis