Epistulae imperatorum pontificum aliorum

nunc, etsi post labores, etsi post intentiones plures, Antiochena ecclesia ordinata est: electus quidam Paulus est nomine presbyter Constantinopolitanae ecclesiae, quem huic honori aptissimum imperatoris testimonio comprobatum est. uoluerunt et temptauerunt hic eum ordinare; ego iussionis uestrae non immemor contradixi dicens \'iussit domnus noster beatissimus papa secundum antiquam consuetudinem ibi eum episcopum ordinari\'. hoc obtinuit, quod praecepistis. orate, ut deus precibus apostoli Petri et ipsam ciuitatem cum pace faciat electum suscipere sacerdotem.

et quia ista aguntur et in his cotidie proficit ecclesia catholica, insidiator antiquus excitauit monachos de Scythia, qui de domo magistri militum Uitaliani sunt, omnium Christianorum uotis aduersarios, quorum inquietudo non paruas moras generauit unitati ecclesiarum et magnopere de praedictae ecclesiae Antiochenae ordinatione.

isti monachi, inter quos est et Leontius, qui se dicit parentem esse magistri militum, Romam festinant sperantes aliquanta capitula a beatitudine uestra confirmari. est in ipsis inter cetera, ubi uolunt dicere unum de trinitate [*]( 216. Dat. (aimul cum epp. 187 et 217-218) a. 519 die 29 Iunii per Eulogium. Edd. Car. P 521; Bar. ad a. 519. 78; Cbllect. Contil.; Thiel 868. 4 separata 02: parata V 6 loetamur V 9 inuocato clementissimo imperatori Y: inuocat118 clementiasimna imperator Car. 10 speratę Y: aperat 02 24 unitate 7, corr. 02 )

istud Anastasius imperator magnopere catholicis imponere festinauit, istud et Eutychetis discipuli in synodo Calcedonensi proposuerunt, quia quotienscumque patres de dei filio domino nostro Iesu Christo disputauerunt, filium dei uerbum consubstantialem patri, homousion patri dixerunt. iste autem sermo ideo numquam est in synodis a patribus introductus, quia procul dubio catholicae fidei minime poterat conuenire.