Precationes

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. IANE, VENI: NOVUS ANNE, VENI: RENOVATE VENI, SOL.
  2. Hostibus edomitis, qua Francia mixta Suebis
  3. certat ad obsequium, Latiis ut militet armis,
  4. qua vaga Sauromates sibi iunxerat agmina Chuni,
  5. quaque Getes sociis Histrum adsultabat Alanis
  6. (hoc mihi praepetibus victoria nuntiat alis):
  7. iam venit Augustus, nostros ut comat honores,
  8. officio exornans, quos participare cupisset.
  9. IANE, VENI: NOVUS ANNE, VENI: RENOVATE VENI, SOL.
  10. Aurea venturo, Sol, porrige gaudia Iano:
  11. fascibus Ausonii succedet Caesar in annum,
    12. v.1.p.52
  12. quintam Romulei praetextam habiturus honoris,
  13. ecce ubi se cumulat mea purpura (mitibus audi
  14. auribus hoc. Nemesis) post me dignatur oriri
  15. Augustus consul, plus quam conferre videtur
  16. me sibi, qui iussit nostros praecedere fasces.
  17. IANE, VENI: NOVUS ANNE, VENI: RENOVATE VENI, SOL.
  18. Tu tropicum soli da [*]() cedere, rursus et illum
  19. terga dare, ut duplex tropico varietur ab astro
  20. et quater a ternis properet mutatio signis,
  21. aestivos inpelle dies brumamque morantem
  22. noctibus adceleret promissus Caesaris annus,
  23. illum ego si cernam, tum terque quaterque beatus,
  24. tunc ero bis consul, tunc tangam vertice caelum.