Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. QUI proceres veteremque volet celebrare senatum
  2. claraque ab exortu stemmata Burdigalae,
  3. teque tuumque genus memoret, Lucane Talisi,
  4. moribus ornasti qui veteres proavos.
  5. pulcher honore oris, tranquillo pectore comis,[*]( 5)
  6. facundo quamvis maior ab ingenio:
    7. v.1.p.70
  7. venatu et ruris cultu victusque nitore
  8. omne aevum peragens, publica despiciens:
  9. nosci inter primos cupiens, prior esse recusans,
  10. ipse tuo vivens segregus arbitrio.
  11. optabas tu me generum florente iuventa:
  12. optare hoc tantum, non et habere datum,
  13. vota probant superi mentisque faventia sanctis
  14. inplent fata, viri quod voluere boni.
  15. et nunc perpetui sentis sub honore sepulcri,
  16. quam reverens natae quamque tui maneam.
  17. caelebs namque gener haec nunc pia munera solvo
  18. nam et caelebs numquam desinam et esse gener.