Parentalia
Ausonius, Decimus Magnus
Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.
- QUIN et funereis amitam inpertire querellis,
- Musa, Cataphroniam.
- innuba devotae quae virginitatis amorem
- parcaque anus coluit:
- et mihi, quod potuit, quamvis de paupere summa,
- mater uti, adtribuit.
- ergo commemorata have maestumque vocata
- pro genetrice vale.
v.1.p.92