Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. QUI laetum ingenium, mores qui diligit aequos
  2. quique fidem sancta cum pietate colit,
  3. Paulini manes mecum veneratus amicis
  4. inroret lacrimis annua liba ferens,
  5. aequaevus, Pauline, mihi natamque sororis
  6. indeptus thalamo: sic mihi paene gener,
  7. stirpis Aquitanae mater tibi: nam genitori
  8. Cossio Vasatum, municipale genus.
    9. v.1.p.90
  9. scrinia praefecti meritus, rationibus inde
  10. praepositus Libycis praemia opima capis.
  11. nam correcturae tibi Tarraco Hibera tribunal
  12. praebuit, adfectans esse clienta tibi.
  13. tu socrum pro matre colens adfinis haberi
  14. non poteras, nati cum fruerere loco.
  15. inter concordes vixisti fidus amicos,
  16. duodeviginti functus Olympiadas.