Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. TU quoque sive nurus mihi nomine, vel vice natae,
  2. Veria, supremi carmen honoris habe.
    3. v.1.p.80
  3. cuius si probitas, si forma et fama fidesque
  4. morigerae uxoris lanificaeque manus
  5. nunc laudanda forent, procul et de manibus imis
  6. accersenda foret vox [*]() proavi Eusebii.
  7. qui quoniam functo iam pridem conditus aevo
  8. transcripsit partes in mea verba suas,
  9. accipe funereas, neptis defleta, querellas,
  10. coniunx Arborii commemoranda mei,
  11. cui parva ingentis luctus solacia linquens
  12. destituis natos, quo magis excrucias.
  13. at tibi dilecti ne desit cura mariti,
  14. iuncta colis thalamo nunc monumenta tuo.
  15. hic, ubi primus hymen, sedes ibi maesta sepulcri:
  16. nupta magis dici quam tumulata potes.