Ordo Urbium Nobilium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. NEC tu, Martie Narbo, silebere, nomine cuius
  2. fusa per inmensum quondam Provincia regnum
  3. optinuit multos dominandi iure colonos,
  4. insinuant qua se Grais Allobroges oris
  5. excluduntque Italos Alpina cacumina fines,
  6. qua Pyrenaicis nivibus dirimuntur Hiberi,
  7. qua rapitur praeceps Rhodanus genitore Lemanno
  8. interiusque premunt Aquitanica rura Cebennae,
  9. usque in Teutosagos paganaque nomina Belcas,
  10. totum Narbo fuit: tu Gallia prima togati
  11. nominis adtollis Latio proconsule fasces.
  12. Quid memorem portusque tuos montesque lacusque?
  13. quid populos vario discrimine vestis et oris?
  14. quodque tibi Pario quondam de marmore templum
  15. tantae molis erat, quantam non sperneret olim
  16. Tarquinius Catulusque iterum, postremus et ille,
  17. aurea qui statuit Capitoli culmina, Caesar?
  18. te maris Eoi merces et Hiberica ditant
  19. aequora, te classes Libyci Siculique profundi,
  20. et quidquid vario per flumina, per freta cursu