Mosella

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. stringentem ripas et pinguia culta secantem.
  2. non tibi se Liger anteferet, non Axona praeceps,
  3. Matrona non, Gallis Belgisque intersita finis,
  4. Santonico refluus non ipse Carantonus aestu,
  5. concedes gelido, Durani, de monte volutus
  6. amnis, et auriferum postponet Gallia Tamen
    7. v.1.p.262
  7. insanumque ruens per saxa rotantia late
  8. in mare purpureum, dominae tamen ante Mosellae
  9. numine adorato, Tarbellicus ibit Aturrus.
  10. Corniger externas celebrande Mosella per oras,
  11. nec solis celebrande locis, ubi fonte supremo
  12. exeris auratum taurinae frontis honorem,
  13. quave trahis placidos sinuosa per arva meatus,
  14. vel qua Germanis sub portibus ostia solvis:
  15. si quis honos tenui volet adspirare camenae,
  16. perdere si quis in his dignabitur otia musis,
  17. ibis in ora hominum laetoque fovebere cantu,
  18. te fontes vivique lacus, te caerula noscent
  19. flumina, te veteres pagorum gloria luci;
  20. te Druna, te sparsis incerta Druentia ripis