Epitaphia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. PHOSPHORE, clamosi spatiosa per aequora circi
  2. septenas solitus victor obire vias,
  3. inproperanter agens primos a carcere cursus,
  4. fortis praegressis ut potereris equis,
  5. promptum et veloces erat anticipare quadrigas:
  6. victores etiam vincere laus potior.
    7. v.1.p.160
  7. hunc titulum vani solacia sume sepulcri
  8. et gradere Elysios praepes ad alipedes.
  9. Pegasus hinc dexter currat tibi, laevus Arion
  10. funis eat, quartum det tibi Castor equum.