Epitaphia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. CEDE procul myrtumque istam fuge, nescius hospes:
  2. telorum seges est sanguine adulta meo.
  3. confixus iaculis et ab ipsa caede sepultus
  4. condor in hoc tumulo bis Polydorus ego.
  5. scit pius Aeneas et tu, rex impie, quod me
  6. Thracia poena premit, Troia cura tegit?