Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. miscuit argenti letalia pondera vivi,
  2. cogeret ut celerem vis geminata necem,
  3. dividat haec si quis, faciunt discreta venenum;
  4. antidotum sumet, qui sociata bibet,
  5. ergo inter sese dum noxia pocula certant,
  6. cessit letalis noxa salutiferae.
  7. protinus et vacuos alvi petiere recessus,
  8. lubrica deiectis qua via nota cibis,
  9. quam pia cura deum! prodest crudelior uxor:
  10. et, cum fata volunt, bina venena iuvant.