Ephemeris

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. vix dicta iam ceris tenes,
  2. sentire tam velox mihi
  3. vellem dedisset mens mea,
    4. v.1.p.26
  4. quam praepetis dextrae fuga
  5. tu me loquentem praevenis.
  6. Quis, quaeso, quis me prodidit?
  7. quis ista iam dixit tibi,
  8. quae cogitabam dicere?
  9. quae furta corde in intimo
  10. exercet ales dextera?
  11. quis ordo rerum tam novus,
  12. veniat in aures ut tuas,
  13. quod lingua nondum absolverit?
  14. doctrina non hoc praestitit
  15. nec ulla tam velox manus
  16. celeripedis compendii:
  17. natura munus hoc tibi
  18. deusque donum tradidit,
  19. quae loquerer, ut scires prius
  20. idemque velles, quod volo.