Eclogarum Liber

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. SOL profectus a teporo veris aequinoctio
  2. post semidiem postque totos nonaginta et quattuor
  3. fervidis flagrans habenis pulsum aestivum conficit,
  4. inde autumnus noctis horas librans aequo lumine
  5. octo et octoginta goeris et super trihorio
    6. ---
  6. inde floridum reflexis ver revisit oreis
  7. additis ad hos priores goeros geminis orbibus.
  1. AETERNOS menses et tempora quattuor anni
  2. quattuor ista tibi subiecta monosticha dicent.
  3. Martius, Aprilis, Maius sunt tempora veris.
  4. Iulius, Augustus nec non et Iunius aestas.
  5. Septembri, Octobri autumnat totoque Novembri.