Res Gestae
Ammianus Marcellinus
Ammianus Marcellinus. Ammianus Marcellinus, with an English translation, Vols. I-III. Rolfe, John C., editor. Cambridge, MA; London: Harvard University Press; W. Heinemann, 1935-1940 (printing).
At Caesar exacta apud Senonas hieme turbulenta, Augusto novies seque iterum consule, Germanicis undique circumfrementibus minis, secundis ominibus motus, Remos properavit alacrior, magisque laetus quod exercitum regebat Severus, nec
v1.p.256
discors nec arrogans, sed longa militiae frugalitate compertus, et eum recta praeeuntem secutus,[*](secutus, Clark, c.c.; secuturus, V.) ut ductorem morigerus[*](morigerus, Petavius; morigerum, EBG; murigerum, V.) miles.