Expositio Psalmi CXVIII
Ambrose, Saint, Bishop of Milan
Ambrose. Sanctii Ambrosii Opera, Pars Quinta (Corpus scriptorum ecclesiasticorum Latinorum, Volume 62). Petschenig, Michael, editor. Vienna; Leipzig: F. Tempsky; G. Freytag, 1913.
Propheta igitur in isto uersiculo diuidit causas, ut et misericordiam quasi homo postulet, quia nemo sine sorde peccati, et [*]( 4 cf. Prou. 15, 27 ) [*]( def.A ) [*]( 1 quur P quid R 2 quur P 3 requirendam 0 ait M 4 pr. misericordiam Mm1N 7 iis v 8 egit Rml misericordiam PmlRml 12 misericordiam Pml aut—habeat om. 0 13 pr. alitcr—14 homo om N iustitiam PmlRml 14 misericordia] iusticia dei 0 archangelus] angelos Pm2T angelica] angeli Pv 15 ita et est om. 0 16 ille OPRv 18 misericordiam] add. diam R dei Oav 19 misericordia*JIP. add. dei Oav tamen om. 0 20 uitium om. N 21 grauiori GM adolescentiae Gm1N Pm2 Rm2av 22 mitiori GM quam] qui R peccatam] qui N qui peccato (ex-urn m2) P et] nee NPRT )
Cogitaui uias meas et auerti pedes meos in testimonia tua. diuiduus sensus: aut quia uias superiores meas cogitaui plenas lapsus atque peccati, et ideo, ut remissionem peccatorum possim mereri morum conuersione studioque uirtutum, auerti pedes meos in testimonia tua, ut non iam meis gressibus, quibus ante sum lapsus, sed testimoniorum tuorum iti-
neribus ambularem, quo tuorum semitae mandatorum me errare non sinerent nec uestigium in deuia et tortuosa deflecterem. frequenter enim ignorantes iter, si strata uiarum sequantur. perueniunt quo desiderant peruenire et carent erroris anfractu; sin autem usurpent scire quod nesciunt et putent aliqua sequenda conpendia, a publici tractus itinere recedentes erroris labyrinthos frequenter incurrunt, ut eos de itinere deflexisse paeniteat, et ideo post multa laborum dispendia ad iter quod reliquerant redire contendunt.