Expositio Psalmi CXVIII

Habes igitur quomodo auferas uelamen, quod manet supra oculos cordis tui; conuertere ad dominum, et uelamen cadet. conuersus est Paulus ad benedictionem Ananiae; uelut squamae ceciderunt ab oculis eius et uidit, qui per triduum ante non uiderat; simul oculus corporis animaeque sanatur, quia medicamentum ei medicus demonstrauerat ille de caelo, de quo scriptum est: misit uerbum suum et sanauit eos et ex omnibus infirmitatibus suis liberauit eos. non est medicus iste de terris, qui omnes curat infirmitates et populos integros sanat.

mitte ergo, pater, medicum istum, ueniat uerbum tuum, aperiat oculos meos. et apostolorum oculi clausi erant, nisi eos Iesus aperuisset. denique duobus ex his euntibus in castellum, cui nomen Emmaus, cum interpretaretur scripturas et benediceret eos, aperti sunt, inquit, oculi eorum et cognouerunt eum. ergo nisi Iesus aperuisset nobis oculos, nemo uidisset; nisi Iesus sustulisset uelamen, nulli euangelii gratia refulsisset. et Petrus clausos habebat oculos et Iohannes clausos habebat et Iacobus clausos habebat. denique in monte grauati erant somno, sed excitati maiestatis fulgore diuinae oculos cordis sui aperuerunt. et quia siti in corpore plene uidere non poterant, obumbrauit eos nubes, ne corporis oculos gloriae caelestis fulgor hebetaret. [*]( 1 cf. II Cor. 5, 4 4 cf. Col. 1, 16 5*11 Cor. 3,14 7 II Cor. 3. 16 11 cf. Act. 9,17-18 14*Ps. 106, 20 21 Luc. 24, 31 24 cf. Matth. 17,1—5 ) [*](def. A) [*]( 2 aliquis se 0 aliquis] add. sed Km2 3 efferre Rml 5 uelamen] add- illud Ov 6 inquid GJIPmI 9 super MO 11 et ad Gin2MN annaniae G, add. et P uelnd MRml 12 ante om. T 13 oculos Gm1 Pm1 Rm1 eius MNT 16 suis] eorum 0 19 aperiret 0 20 emaus NOP Ra 22 inquid RmI. om- 0 oculi eorum inquit MN 23 Iesus om. 0 24 oculos habebat MN 25 et Iohannes . clansos habebat om. Mml N, add. oculos a iacob O 27 qui Mm1NT siti]sie O 28 nubis Pml 29 ebetauit Nml )