Explanatio Psalmorum XII
Ambrose, Saint, Bishop of Milan
Ambrose. Sanctii Ambrosii Opera, Pars Sexta (Corpus scriptorum ecclesiasticorum Latinorum, Volume 64). Petschenig, Michael, editor. Vienna; Leipzig: F. Tempsky; G. Freytag, 1919
est ergo cuiusquam sanguis qui Christi possit sanguini comparari ? aut quis tam potens homo, qui pro se propitiationem suam dare possit supra eam propitiationem, quam in se optulit Christus, qui solus deo mundum reconciliauit per suum sanguinem? quae maior hostia, quod praestantius sacrificium, qui melior aduocatus quam qui pro peccatis omnium factus est deprecatio et animam suam dedit pro nobis redemptionem ?
non quaeritur ergo propitiatio aut redemptio singulorum, quia [*]( 2 *Matth. 17, 24-26 11 cf. Ioh. 8, 34 12 cf. Ioh. 8, 36 13 cf. Ps. 48,9 19 cf. I Ioh. 2, 2 20 cf. Rom. 3, 24 25 cf. II Cor. 5,19 27 cf. I Ioh. 2, 1-2 28 cf. Matth. 20, 28 ) [*]( 1 didrachma av 2 symon aDF 4 aut] an a 12 filius dei om. Fa liberat] liber erat Bm?Cm2 liber fJav 14 cui sanguis fl habundare C 15 debebat Bm2C 17 si de] pro fJ, add. fideli fiav . 20 hominis om. BCmlfi 21 redemptionem] add. hominis BF omnium] hominum fl 25 obtulit Cav obtulerit B ) [*]( LXIV. AmbroB. pari 6. Petschenig. ) [*]( 24 )
supposuit humerum suum ad laborandum et factus est uir agricola. ergo non dabit homo iam propitiationem suam nec redemptionem, quia semel ablutus est ii peccato per sanguinem Christi, laborabit tamen, ut seruet praecepta uiuendi et a mandatis caelestibus non recedat. dum uiuit, in labore sit et perseueret in eo, ut uiuat in finem, ne et ipse morte moriatur, cum sit iam redemptus a morte.
Qui autem seruauerit mandata uitae, non uidebit interitum, cum uiderit mori eos qui sibi sapientissimi et prudentissyni in hoc saeculo uidebantur. quod specialiter ad scribas et Pharisaeos spectat, qui sibi cathedras in synagogis uindicant quasi sapientiae principatum. qui uere frustra laborant, cum putant, quia per didragmum liberentur, cilm spiritale pretium animae suae atque illud singulare dominici corporis sacrificium inani quadam legis interpretatione contempserintrefugientes baptismatis sacramentum. neminem enim sanguis redimit hircorum atque taurorum, sed omnes unus sanguis liberat Christi, cuius in Leuitico figura, non ueritas. non enim didragma, sed illius solius sanguinis pretio liberamur.