Explanatio Psalmorum XII

Unde etiam ipse considerans tanta uocis pericula dixit: custodiam uias meas. quae sint igitur istae uiae hominis quae magnopere praecauendae, ne quid grauioris offensionis incurrant, ammonet nos tantus propheta diligentius considerare, ammonet etiam Salomon.eius filius paternae mentis interpres perspicacius examinare, qui scripsit: tria mihi sunt inpossibilia intellegere et quartum quod non agnosco: uestigium aquilae uolantis et uiam serpentis in petra et semitas nauis in pelago nauigantis et uias uiri in iuuentute (et mulieris adulterae

quae, postquam egit, abluta nihil se cgisse dicit iniquum]. tria ergo inpossibilia sibi esse dixit ad intellegendum, quartum, quod ille habens inter homines sapientiae signaculum non agnosceret, uiarum uidelicet uiri in iuuentute processum. quarum igitur uel inexplicabilis uel difficilis agnitio, potest facilis earum esse custodia ? unde non inmerito ipse Dauid delictorum iuuentutis suae non defensionem obtulit, sed obliuionem rogauit: delicta, inquit, iuuentutis meae et ignorantiae meae ne memineris. non inmerito igitur [*]( 2 cf. Gen. 4, 9 4 cf. Ex. 15; 24 6 cf. Ex. 32, 1 9 Ps. 38, 2 13 *Prou. 24 (30), 53-55 (18-20) 25 *Ps. 24, 7 ) [*](1 oblitterauit Ev 2 negatiLW 4 tacitus (in mg. tactu) B tactu (ras. s. u, in mg. m2 uel tacitus) C moises A 5 quod B contraxisset B 6 in uiis DF 8 dixi BCfJv, add. inquit Bm2Cv 9 sunt BC alt. quae] add. et (ia 10 praecauendae] add. sunt Bm2C 11 admonet bis av 17 alt. et ACm2a talis uia v, om. BCmip mulieris adulterae om. ECmlft 18 oblita DEm2F egisse se fJav uerba et mulieris — iniquum, utpote per mterpolationem adsuta, deleui; cf. Expos. ps. 118, tractat. 2, cap. 16 20 et.quartum fJav quod] add. non BCml 21 non del. B 22 igitur] add. est a pr. uel om. Cml difficilis] add. est Em2C 25 inquid BC )

et fortasse delicta iuuentutis ad feruorem retulit carnis, ignorantiae autem ad uerborum prolapsionem, quae non ex sententia nostra, sed impetu quodam et cursu loquendi plerumque funduntur, quod periculosum esse propheta cognoscens ait: credidi, propter quod locutus sum. supra fundamentum ergo uirtutis uox tuta est, sine fundamento lubrica. ideo quasi quodam tubae sono scripturae diuinae electus interpres increpuit: corde creditur ad iustitiam, ore confessio fit ad salutem. fides credentium principalis est, confessio executionis.