Explanatio Psalmorum XII

Sed quia Septuaginta uiri sic posuerunt: cum iudicabitur illi putamus quod ad illud respexerit, quia scriptum est: quoniam ipse dominus ueniet in iudicium. sed in quod iudicium? audi dicentem: tibi soli peccaui et malum coram te feci, ut iustificeris in sermonibus tuis et uincas, cum iudicaris.

ideo ergo praebet se dominus audiendum, ut de se iudicetur, quo magis uincat . quomodo se praebeat, audi: populus meus, quid feci tibi aut in quo contristaui te aut quid molestus tibi fui? responde mihi. quia ex Aegypto eduxi te et de domo seruitutis libera te, et alibi: ego sum ego sum, qui deleo iniquitates tuas et memor non ero. tu autem memor esto et iudicemur. [*]( 2 *Ps. 36, 32 3 Ps. 36, 33 6 cf. Ps. 36, 30 10 Rom. 8, 31 13 Aquilas et Symmachus Ps. 36, 33 16 Ps. 36, 33 18 *Esai. 3,14 19 Ps. 50, 6 23 *Mich. 6, 3-4 27 *Esai. 43, 25—26 ) [*]( 2 peccor D 4.11 damnauit Bml 6 et om. BF in post et om. a meditabitur BCmI 13 aquila ACm2 fJ(av) damnauit BCml 14 eo] eum BCml fimachus « simmacus DE simmachus F damnauit BCml 16 Lxxta C 17 aliud ;\'lv 23 praebeat] add. iudicandum BmlC quid] qui D 24 quid] in quo E 25 fui tibi Fna1 egipto A 26 duxi {J ) [*]( LXIV. Ambros. pars 6. Petschenig. ) [*]( 9 )

Graue hoc iudicium, cum dominus de se postulat contra hominem iudicari. quid enim respondeas ei quj uniuersa tibi contulit, omnibus te praefecit, subiecit tibi Aegyptios ad quos hospes adueneras, insectantes postea mari mersit ? ille tuos deleuit hostes atque subuertit, ille te creauit et condidit; ille suo sanguine te redemit, et tu tradis te, ut seruias eius inimico?

ille tibi omnia peccata dimisit, et tu grauiora committis ? uocat te: in iudicium ueniens quid responsurus es ei, qui nisi iterum tibi donet, peristi? ideoque uidens sanctus Dauid hac quadam moralitate dei amplius se grauari iudicium refugit, misericordiam poscit dicens: et ne intres in iudicium cum seruo tuo, quoniam non iustificabitur in conspectu tuo omnis uiuens.