Explanatio Psalmorum XII

Ipse tonitrui filius, ipse qui in Christi pectore recumbebat, ipse cui secreta sua dominus non tacebat, cui Petrus innuit ut dominum interrogaret et ille interrogauit et dominus reuelauit, ipse exponat quid senserit de eo quod ait: quiod factum est in ipso uita est. audi ergo interpretantem, quia tuas, Arriane, calumnias iam cauebat: quod erat ab initio et quod audiuimus et uidimus oculis nostris, quod perspeximus et manus nostrae scrutatae sunt de uerbo uitae, et uita apparuit.

caro ergo est quae in Christo apparuit uel Christus in carne; ipse nostra in omnibus uita est. ipsius diuinitas uita est, ipsius aeternitas uita est, ipsius caro uita est, ipsius passio uita est. unde et Hieremias ait: in umbra eius uiuemus. umbra alarum umbra crucis, umbra est passionis. ipsius mors uita est, ipsius uulnus uita est, ipsius sanguis est uita, ipsius sepultura est uita, ipsius resurrectio uita est uniuersorum.

uis scire quam mors ipsius uita sit? in morte ipsius baptizati sumus, ut cum ipso in nouitate uitae ambulemus. et ipse ait: amen amen dico uobis, nisi granum tritici cadens in terram moriatur, ipsum solum manet; si autem mortuum fuerit, multum fructum affert. ipse granum pro nobis corpore solutus et mortuus est, ut fructum multum afferret in nobis. mors itaque eius fructus est uitae. quod factum est ergo in ipso, uita est.

caro facta est in ipso, uita est; infantia facta est in ipso , uita est; iudicium factum est in ipso, uita est; mors facta est in ipso, uita est; remissio peccatorum facta est in ipso, uita est; uulnus factum est in ipso, [*]( 1 cf. Marc. 3, 17 cf. Ioh. 13, 23 sqq. 4 *Joh. 1,3—4 6 *I Ioh. 1, 1-2 13 *Thren. 4, 20 cf. Ps. 16, 8 17 Rom. 6, 3-4 18 *Ioh. 12, 24 24 cf. Ioh. 1, 3-4 ) [*]( 1 t*onitrui (r s.l.) A throni tui B thronitrui C 6 Arianc v iam] non F 7 et uidimus — nostris in ras. Cm2 8 quod] et Cm2, om. BCml prospeximus BOmI 11 pr. cst om. F 12 ieremias AE (v) hyeremias B y (i-D) heremias CDF 15 sanguis uita est et sepultura uita est fiav 16 si uis « quam] quia Cm2 quoniam fiav 17 sit] est av, add. audi apostolum C morte] add. inquit Bm2Cv 19 tritici) frumenti fJav 20 terra fJ. 22 ipsum 24 caro facta est et « ) [*]( 7* )

ad postremum uenditio facta est in ipso, uita est; redemptio facta est in ipso, uita est. ad mortem uenditus est a Iuda, emptus a Iudaeis ad mortem, ut pretioso eius sanguine nos redimeremur ad uitam. haec est uita quae facta est, haec est uita quae apparuit, haec est uita quam uidimus, haec est uita quae erat apud patrem, quia ipse, qui erat in principio, ipse est natus ex uirgine, ut esset uita morituris.