Explanatio Psalmorum XII

Etenim licet omnis scriptura diuina dei gratiam spiret, praecipue tamen dulcis Psalmorum liber, quandoquidem ipse Moyses, qui plano gesta maiorum sermone descripsit, ubi tamen per Mare Rubrum populum patrum memorabili admiratione transduxit, demersum aspiciens regem Pharaonem cum suis copiis, in maiora

ingenium attollens suum, quia maiora uiribus suis fuerat assecutus, canticum domino cecinit triumphale. Maria quoque tympanum sumens ceteras hortabatur dicens: cantemus domino, gloriose enim honorificatus est; equum et [*](2 cf. Apoc. 19, 6 \' 19 cf. II Tim. 3,16 25 cf. Ex. 15 - 26*Ex. 15, 21 )[*](def. B) [*](1 pr. et om. fta 3 axem caelij celum maxime D maxime celum EF expressior om. fJ sermo] add. foris fJ; cf. Expos. ps. 118, fractat. 12, cap. 20 4 adderetur AC 6 e nemoribus om. ffa 7 resuJtet post montibus tr. pa aut] in (ia 8 reperitav naturae Cml 9 uisus fJa 10 amenitate fJ modulatoris uoce fJ delectatione om. fJ 11 lactentibus CDFav 13 aduerterat fJ 17 itaque om. a et] ac fJav 18 instar-19 omnis om. (t 19 in scriptura fJ deispiret] se gratia inspirat fJ 22 ammiratione ACDF 23 pharao CE in] ut ad C 24 attolleret C assequutus C 25 timpanum DF )

Delectatur igitur cantico deus non solum laudari, sed etiam reconciliari. inde et Moyses tunc maxime cantico usus est, quando caelum testificabatur et terram, ut salutem suam caelestis sono gratiae concinentem auidius mundus audiret et sacrae suauitate dulcedinis in aeternum legis obseruantia mentibus inoleret humanis.

denique legis tabulae priusquam cantico firmarentur, per indignationem Moysi fractae et comminutae sunt; ubi uero tali signaculo consecratae sunt, humana locum ira non habuit, quia sanctificatio eam sacrae suauitatis exclusit. canticum itaque domini sicut ros mollior descendit e caelo et fidem hominum sicut gramen imbre quodam gratiae spiritalis infudit. duo igitur haec cantica in libris Moysi tamquam duo mundi oculi caelique lumina totum corpus operis eius illustrant.

At uero Dauid principaliter a domino ad hoc munus electus est, ut, quod in aliis rarum praeminere reliquo operi uidetur, in hoc iuge et continuum refulgeret. unum canticum legimus in libro Iudicum, reliqua historiae more decursa, quibus expressa sunt gesta maiorum. unum Esaias canticum scripsit, quo legentium corda mulceret, in reliquis terribili tuba correptionis infremuit.