Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. frondosi ignescunt scopuli, subitoque per alta
  2. conlucet iuga dissultans Vulcanius ardor.
  3. it fera candenti torrente bitumine corpus
  4. amens et laxo diducit limite turmas.
  5. nec cuiquam uirtus propiora capessere bella:
  6. longinquis audent iaculis et harundinis ictu.
  7. uritur impatiens et magni corporis aestu
  8. huc atque huc iactas accendit belua flammas,
  9. donec uicini tandem se fluminis undis
  10. praecipitem dedit et tenui decepta liquore
  11. stagnantis per plana uadi tulit incita longis
  12. extantem ripis flammam. tum denique sese
  13. gurgitis immersit molem capiente profundo.
  14. At qua pugna datur, necdum Maurusia pestis
  15. igne calet, circumfusi Rhoeteia pubes
  16. nunc iaculis, nunc et saxis, nunc alite plumbo
  17. eminus incessunt, ut qui castella per altos