Punica
Silius Italicus, Tiberius Catius
Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.
- hic ardens exire malis et rumpere uitam,
- ‘Non cum Flaminio tibi res, nec feruida Gracchi
- in manibus consulta:’ inquit ‘Tirynthia gens est;
- quam si fata tuis genuissent, Hannibal, oris,
- terrarum imperium Carthaginis arce uideres.
- non ego te longa serie per singula ducam.
- hoc sat erit: nosces Fabios certamine ab uno.
- Veientum populi uiolata pace negabant
- acceptare iugum, ac uicino Marte furebat
- ad portas bellum, consulque ciebat ad arma.
- dilectus uetiti, priuataque castra penates
- Herculei impleuere. domo, mirabile, ab una
- patricius iunctis exercitus ibat in armis.
- ter centum exiluere duces. quocumque liberet
- uno non pauidus rexisses bella magistro.
- sed dirum egressis omen: Scelerata minaci