Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. pubescente gena castris optarat et acri
  2. Flaminio spectatus erat, cum Celtica uictor
  3. obrueret bello diuis melioribus arma.
  4. inde honor ac sacrae custodia Marte sub omni
  5. alitis: hinc causam nutriuit gloria leti.
  6. namque necis certus, captae prohibere nequiret
  7. cum Poenos aquilae, postquam subsidere fata
  8. uiderat et magna pugnam inclinare ruina,
  9. occulere interdum et terrae mandare parabat.
  10. sed subitis uictus telis labentia membra
  11. prostrauit super ac mentita morte tegebat.
  12. uerum ubi lux nocte e Stygia miseroque sopore
  13. reddita, uicini de strage cadaueris hasta
  14. erigitur soloque uigens conamine late
  15. stagnantem caede et facilem discedere terram
  16. ense fodit, clausamque aquilae infelicis adorans
  17. effigiem, palmis languentibus aequat harenas.
  18. supremus fessi tenuis tum cessit in auras
  19. halitus et magnam misit sub Tartara mentem.
  20. Iuxta cernere erat meritae sibi poscere carmen