Punica
Silius Italicus, Tiberius Catius
Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.
- Ceperat Etruscos occulto milite colles
- Sidonius ductor perque alta silentia noctis
- siluarum anfractus caecis insederat armis.
- at parte e laeua restagnans gurgite uasto
- effigiem in pelagi lacus umectabat inertis
- et late multo foedabat proxima limo.
- quae uada Faunigenae regnata antiquitus Arno
- nunc uoluente die Trasimenni nomina seruant.
- Lydius huic genitor, Tmoli decus, aequore longo
- Maeoniam quondam in Latias aduexerat oras