Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. fertur ab immenso tempestas horrida caelo
  2. nigrantisque globos et turbida nubila torquens
  3. inuoluit terras. quatitur Saturnia sedes
  4. ingressu tremefacta dei, ripasque relinquit
  5. audito curru fontique relabitur amnis.
  6. Ductorem Ausonium telis Garamantica pubes
  7. cinxerat et Tyrio regi noua dona parabat
  8. armorum spolium ac rorantia consulis ora.
  9. stabat Fortunae non cedere certus et acri
  10. mole retorquebat crudescens caedibus hastas,
  11. iamque suo, iamque hostili perfusa cruore
  12. membra madent, cecidere iubae, gyroque per orbem
  13. artato Garamas iaculis propioribus instat
  14. †et librat saeua coniectum cuspide ferrum.
  15. hic puer ut patrio defixum corpore telum
  16. conspexit, maduere genae, subitoque trementem
  17. corripuit pallor, gemitumque ad sidera rupit.
  18. bis conatus erat praecurrere fata parentis
  19. conuersa in semet dextra, bis transtulit iras
  20. in Poenos Mauors. fertur per tela, per hostis