Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Assaraci prolem, Libyes. coepta aspera cerno
  2. Gradiuumque trucem currus iam scandere et atram
  3. in latus Hesperium flammam expirare furentis
  4. cornipedes multoque fluentia sanguine lora.
  5. tu, qui pugnarum euentus extremaque fati
  6. deposcis claroque ferox das uela labori,
  7. inuade Aetoli ductoris Iapyga campum.
  8. Sidonios augebis auos nullique relinques
  9. altius Ausoniae penetrare in uiscera gentis,
  10. donec uicta tibi trepidabunt Dardana regna.
  11. nec ponet pubes umquam Saturnia curam
  12. dum carpet superas in terris Hannibal auras.‘‘
  13. Talia portabat laetis oracula Bostar
  14. impleratque uiros pugnae propioris amore.