Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Africus et pontum spargens super aera Corus
  2. inuasere truces capientem proelia campum
  3. inque uicem ingesto cumularunt puluere montis.
  4. has obseruatis ualles enauimus astris.
  5. namque dies confundit iter, peditemque profundo
  6. errantem campo et semper media arua uidentem
  7. Sidoniis Cynosura regit fidissima nautis.
  8. uerum ubi defessi lucos nemorosaque regna
  9. cornigeri Iouis et fulgentia templa subimus,
  10. exceptos hospes tectis inducit Arisbas.
  11. stat fano uicina, nouum et memorabile, lympha,
  12. quae nascente die, quae deficiente tepescit
  13. quaeque riget, medius cum sol accendit Olympum,
  14. atque eadem rursum nocturnis feruet in umbris.