Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Postquam rupta fides Tyriis et moenia castae
  2. non aequo superum genitore euersa Sagunti,
  3. extemplo positos finiti cardine mundi
  4. uictor adit populos cognataque limina Gades.
  5. nec uatum mentes agitare et praescia corda
  6. cessatum super imperio: citus aequore Bostar
  7. uela dare et rerum praenoscere fata iubetur.