Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. heu miseri, quotiens toto pugnabitis orbe,
  2. nec leuiora lues quam uictus crimina, uictor.’
  3. Tum iuuenis lacrimans: ‘Restare haec ordine duro
  4. lamentor rebus Latiis. sed luce remota
  5. si nulla est uenia et merito mors ipsa laborat,
  6. perfidiae Poenus quibus aut Phlegethontis in undis
  7. exuret ductor scelus, aut quae digna renatos
  8. ales in aeternum laniabit morsibus artus?’
  9. Ne metue: exclamat uates ‘non uita sequetur
  10. inuiolata uirum: patria non ossa quiescent.
  11. namque ubi fractus opum magnae certamine pugnae
  12. pertulerit uinci turpemque orare salutem,
  13. rursus bella uolet Macetum instaurare sub armis.
  14. damnatusque doli desertis coniuge fida
  15. et dulci nato linquet Carthaginis arces