Epistulae

Et mihi scripsit Gavius Bassus non sufficere sibi eum militum numerum, qui ut daretur illi, mandatis meis complexus sum. Cui quae rescripsissem, ut notum haberes, his litteris subici iussi. Multum interest, res poscat an hoc nomine eis uti latius velit.

Nobis autem utilitas demum spectanda est, et, quantum fieri potest, curandum ne milites a signis absint.