Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. idcirco ut possis linguam contemnere servi.[*](After 9.118 PA; after 9.123 Ψ.)
  2. praecipue causis, ut linguas mancipiorum
  3. contemnas, nam lingua mali pars pessima servi;
  4. deterior tamen hic qui liber non erit illis,
  5. quorum animas et farre suo custodit et aere.
  6. ‘Utile consilium modo, sed commune, dedisti,
  7. nunc mihi quid suades post damnum temporis et spes
  8. deceptas? festinat enim decurrere velox
  9. flosculus angustae miseraeque brevissima vitae
  10. portio; dum bibimus, dum serta unguenta puellas
  11. poscimus, obrepit non intellecta senectus.’