Saturae
Juvenal
Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- Horum ego non fugiam conchylia? me prior ille
- signabit fultusque toro meliore recumbet,
- advectus Romam quo pruna et cottona vento?
- usque adeo nihil est, quod nostra infantia caelum
- hausit Aventini baca nutrita Sabina?
- Quid quod adulandi gens prudentissima laudat
- sermonem indocti, faciem deformis amici,
- et longum invalidi collum cervicibus aequat
- Herculis Antaeum procul a tellure tenentis,
- miratur vocem angustam, qua deterius nec