Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. atque obiter leget aut scribet vel dormiet intus;
  2. namque facit somnum clausa lectica fenestra,
  3. ante tamen veniet: nobis properantibus opstat
  4. unda prior, magno populus premit agmine lumbos
  5. qui sequitur; ferit hic cubito, ferit assere duro
  6. alter, at hic tignum capiti incutit, ille metretam.
  7. pinguia crura luto, planta mox undique magna
  8. calcor, et in digito clavus mihi militis haeret.
  9. Nonne vides quanto celebretur sportula fumo?
  10. centum convivae, sequitur sua quemque culina.
  11. Corbulo vix ferret tot vasa ingentia, tot res
  12. inpositas capiti, quas recto vertice portat
  13. servulus infelix et cursu ventilat ignem,
  14. scinduntur tunicae sartae modo, longa coruscat
  15. serraco veniente abies, atque altera pinum
  16. plaustra vehunt; nutant alte populoque minantur.
  17. nam si procubuit qui saxa Ligustica portat
  18. axis et eversum fudit super agmina montem,
  19. quid superest de corporibus? quis membra, quis ossa
  20. invenit? obtritum vulgi perit omne cadaver