Saturae
Juvenal
Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- carnibus humanis vesci licet, attonito cum
- tale super cenam facinus narraret Vlixes
- Alcinoo, bilem aut risum fortasse quibusdam
- moverat ut mendax aretalogus. ‘in mare nemo
- hunc abicit saeva dignum veraque Charybdi,
- fingentem inmanes Laestrygonas atque Cyclopas?
- nam citius Scyllam vel concurrentia saxa
- Cyaneis plenos et tempestatibus utres
- crediderim aut tenui percussum verbere Circes
- et cum remigibus grunnisse Elpenora portis.
- tam vacui capitis populum Phaeaca putavit?’
- sic aliquis merito nondum ebrius et minimum qui