Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Pacuvius in Paulo:

  1. Patér supreme nóstrae progenií patris.

Cn. Matius in Iliadis XXI.:

  1. Altera pars acii vitassent fluminis undas.

Idem Matius in XXIII.:

  1. An maneat specii simulacrum in morte silentum.

C. Gracchus De Legibus Promulgatis: Ea luxurii causa aiunt institui;

et ibidem infra ita scriptum est: Non est ea luxuries, quae necessario parentur vitae causa,

per quod apparet eum ab eo quod est luxuries luxurii patrio casu dixisse.

M. quoque Tullius, in oratione qua Sextum Roscium defendit, pernicii scriptum reliquit. Verba haec sunt: Quorum nihil pernicii causa divino consilio, sed vi ipsa et magnitudine rerum factum putamus.