Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Alia nisi haec salutis via nulla est. Consul tribuno respondit, consilium quidem istud aeque providens sibi viderier; sed istos, inquit, milites quadringentos ad eum locum in hostium cuneos quisnam erit qui ducat?

Si alium, inquit tribunus, neminem , me licet ad hoc periculum utare; ego hanc tibi et reipublicae animam do.

Consul tribuno gratias laudesque agit.

Tribunus et quadringenti ad moriendum proficiscuntur.