Noctes Atticae
Gellius, Aulus
Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).
Quod Caecilius poeta frontem genere virili non poetice, sed cum probatione et cum analogia appellavit.
VERE ac diserte Caecilius hoc in Subditivo scripsit:
- Nam hi súnt inimici péssumi, fronte hílaro, corde Trísti,
- Quos néque ut adprendas néque uti dimittás scias.
Hos ego versus, cum de quodam istiusmodi homine sermones essent, in circulo forte iuvenum eruditiorum dixi.