Noctes Atticae
Gellius, Aulus
Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).
De verbis inopinatis, quae utroque versum dicuntur et a grammaticis communia vocantur.
UTOR et vereor et consolor communia verba sunt ac dici utroque versus possunt: vereor te et vereor abs te, id est tu me vereris; utor te et utor abs te, id est tu me uteris; [*](id uteris, ς; id (pro id, Q) factum, ω.) hortor te et hortor abs te, id est tu me hortaris; consolor te et consolor abs te, id est tu me consolaris; testor quoque et interpretor significatione reciproca dicuntur.
Sunt autem verba
haec omnia ex altera parte inusitata, et an dicta sint in eam quoque partem quaeri solet.Afranius in Consobrinis:
Hic vereri ex ea parte dictum est quae est non usitatior.
- Em istó parentum est vita vilis líberis,
- Ubi málunt metui, quám vereri se áb suis.
Novius in Lignaria verbum quod est utitur ex contraria parte dicit:
id est quae usui non est.
- Quía supellex múlta quae non útitur, emitúr tamen,
M. Cato in quinta Origine: Exercitum, inquit, suum pransum, paratum, cohortatum eduxit foras atque instruxit.