Epitome Rerum Romanorum

Florus, Lucius Annaeus

Florus, Lucius Annaeus. Lucius Annaeus Florus, Epitome of Roman history. Cornelius Nepos. Forster, E. S. (Edward Seymour), editor. Rolfe, John C., editor. London, New York: William Heinemann, G. P. Putnam's Sons, 1929 (printing).

Idem tunc Faesulae quod Carrhae nuper, idem nemus Aricinum quod Hercynius saltus, Fregellae quod Gesoriacum, [*]()Tiberis quod Euphrates.

Coriolos quoque—pro pudor—victos [*]()adeo gloriae fuisse, ut captum oppidum Gnaeus Marcius Coriolanus quasi Numantiam aut Africam nomini indueret.

[*]()Extant et parta de Antio spolia, quae Maenius [*]()in suggestu fori capta hostium classe suffixit—si tamen illa [*](Cora Rehd.: sora B I: Ora L. ) [*](Gesoriacum: gesoria; cum N: gersoriacum L: caesoriacum B I. ) [*](victos: victus B. ) [*](indueret: induere B: induceret N. ) [*](Maenius: menius I: menenius B: moenibus N. )

p.36
classis, nam sex fuere rostratae. Sed hic numerus illis initiis navale bellum fuit.

Pervicacissimi tamen Latinorum Aequi et Volsci fuere et cotidiani, ut sic dixerim, hostes.

Sed hos [*]()praecipue Titus Quinctius domuit, ille dictator ab aratro, qui obsessa et paene iam capta Manili consulis castra egregia victoria recuperavit.

Medium erat tempus forte sementis, cum patricium virum innixum aratro suo lictor in ipso opere deprehendit. Inde in aciem profectus, victos, ne quid a rustici operis imitatione cessaret, more pecudum sub iugum misit.

sic expeditione finita rediit ad boves rursus triumphalis agricola—fidem numinum—qua velocitate.

Intra quindecim dies coeptum peractumque bellum, prorsus ut festinasse dictator ad relictum opus videretur.

ADSIDUI vero et anniversarii hostes ab Etruria fuere Veientes, adeo ut extraordinariam manum adversus eos promiserit privatumque gesserit bellum gens una Fabiorum. Satis superque nota clades.

Caesi apud Cremeram trecenti, patricius exercitus; [*](sed hos om. B. )

p.38
itaque scelerato signata [*]()nomine quae proficiscentes in proelium porta dimisit.

Sed ea clades ingentibus expiata victoriis, postquam per alios atque alios robustissima capta sunt oppida, vario quidem eventu.

Falisci sponte se dediderunt, crematae suo igne Fidenae, direpti funditus deletique Veientes.

Falisci cum obsiderentur, mira est visa fides imperatoris, nec inmerito, quod ludi magistrum, urbis proditorem, cum his quos adduxerat pueris vinctum sibi ultro remi-

sisset. Eam namque vir sanctus et sapiens veram sciebat esse victoriam, quae salva fide et integra dignitate pareretur.

Fidenae quia pares non erant ferro, ad terrorem movendum facibus armatae et discoloribus serpentium in modum vittis furiali more processerant; sed habitus ille feralis eversionis omen fuit.

Veî quanta res fuerit, indicat decennis obsidio. Tum primum hiematum sub pellibus, taxata stipendio hiberna, adactus miles sua sponte iure iurando ne nisi capta urbe remearet.

Spolia de Larte Tolumnio rege ad Feretrium triumpho reportata.[*]()Denique non scalis nec inruptione, sed cuniculo et subterraneis dolis peractum urbis excidium.

Ea denique [*](itaque scelerato signata Koehlerus: it scel. signat B: et scel. signata N. ) [*](ad Feretrium triumpho reportata Iahnius: afferret triumphum reportaret B. )

p.40
visa est praedae magnitudo, cuius decima [*]()Apollini Pythio mitteretur, universusque populus Romanus ad direptionem urbis vocaretur.

Hoc tunc Veî fuere. Nunc fuisse quis meminit? Quae reliquiae? Quod vestigium? Laborat annalium fides, ut Veios fuisse credamus.