Epitome Rerum Romanorum

Florus, Lucius Annaeus

Florus, Lucius Annaeus. Lucius Annaeus Florus, Epitome of Roman history. Cornelius Nepos. Forster, E. S. (Edward Seymour), editor. Rolfe, John C., editor. London, New York: William Heinemann, G. P. Putnam's Sons, 1929 (printing).

Inde Claudio Marcello duce etiam congredi ausus [*](Golden ornaments which free-born Roman children wore suspended round their necks. ) [*](210 B.C. )

p.104
est: comminus venit et perculit [*]()in Campania sua et ab obsidione Nolae urbis exclusit.

Ausus et Sempronio Graccho duce per Lucaniam sequi et premere terga cedentis, quamvis tum—o pudor!2—servili pugnaret exercitu; [*]()nam hucusque tot mala conpulerant. Sed libertate donati fecerunt de servis se virtute [*]()Romanos.

O horribilem in tot adversis fiduciam! O singularem animum ac spiritum populi Romani! Tam artis adflictisque rebus, ut de Italia sua dubitare [*]()debuisset, ausus tamen est in diversa respicere,

cumque hostis in iugulo [*]()per Campaniam Apuliam-que volitaret mediaque [*]()de Italia Africam faceret, eodem tempore et hunc sustinebat et in Siciliam, Sardiniam, Hispaniam divisa per terrarum orbem arma mittebat.

Sicilia mandata Marcello. Nec diu restitit; tota enim insula in una urbe superata est. Grande illud et ante id tempus invictum caput, Syracusae, quamvis Archimedis ingenio defenderentur, aliquando cesserunt.

Longe illi triplex murus totidemque arces, portus ille marmoreus et fons celebratus Arethusae; nisi quod hactenus profuere, ut pulchritudini victae urbis parceretur. [*](perculit Salmasius: perpulit BI: pepulit N. ) [*](o pudor I: pudor B: o pudor manu NL. ) [*](exercitu I: exercitum B. ) [*](de servis se virtute Salmasius: de servitute codd. ) [*](dubitare I: decedere B. ) [*](hostis in iugulo I: hosti singulo B. ) [*](mediaque Heinsius: mediamque codd. )

p.106

Sardiniam Gracchus arripuit. Sed nihil illi gentium feritas Insanorumque—nam sic vocantur— inmanitas montium profuere. Saevitum in urbes urbemque urbium Caralim, ut gens contumax vilisque mortis saltem desiderio patrii soli doma-retur.

In Hispaniam missi Gnaeus et Publius Scipiones paene totam Poenis eripuerant, sed insidiis Punicae fraudis oppressi rursum amiserant, magnis quidem illi proeliis cum Punicas opes cecidissent. Sed Punicae insidiae alterum ferro castra metantem, alterum, cum vix [*]()evasisset in turrem, cinctum facibus oppresserant.

Igitur in ultionem patris ac patrui missus cum exercitu Scipio, cui iam grande de Africa nomen fata decreverant,