Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Quaedam Hectoris parente,
  2. Cumaeae soror, ut puto, Sibyllae,
  3. aequalis tibi, quam domum reuertens
  4. Theseus repperit in rogo iacentem,
  5. infirmo solet huc gradu uenire
  6. rugosasque manus ad astra tollens,
  7. ne desit sibi, mentulam rogare.
  8. hesterna quoque nocte dum precatur,
  9. dentem de tribus excreauit unum.
  10. 'tolle' inquam 'procul ac iube latere
  11. scissa sub tunica stolaque russa,
  12. ut semper solet, et timere lucem,
  13. qui tanto patet indecens hiatu,
  14. barbato macer eminente naso,
  15. ut credas Epicuron oscitari'.