Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quosque fugit complexa toros crinemque genasque
  2. ante †peranti†[*](panti carsit V, per antiqui carpsit M, vulgo, superstantis c. v. Somni Leo ) carpsit vestigia somni,
  3. atque haec impresso gemuit miseranda cubili:
  4. 'o mihi si profugae genitor nunc ille[*](ille V, mille Heinsius, ipse Schenkl ) supremos
  5. amplexus, Aeeta, dares fletusque videres
  6. ecce meos. ne crede, pater, non carior ille est,
  7. quem sequimur; tumidis utinam simul obruar undis.
  8. tu, precor, haec longa placidus mox sceptra senecta
  9. tuta geras, meliorque tibi sit cetera proles.'
  10. dixit et Haemonio numquam spernenda marito
  11. condita letiferis promit[*](promit Turnebus, prodit V, profert C | cistis M, cistris V ) medicamina cistis,
  12. virgineosque sinus ipsumque monile venenis
  13. implicat ac saevum super omnibus addidit ensem.
  14. inde velut torto Furiarum erecta[*](erecta T Bon. 1, eiecta VC ) flagello
    15. p.183
  15. prosilit, attonito qualis pede prosilit Ino
  16. in freta nec parvi meminit conterrita nati,
  17. quem tenet; extremum coniunx ferit inritus Isthmon.[*](Isthmon C, Pius, sihmo V )
  18. Iam prior in lucos curis[*](curiis M 1, curiit V ) urgentibus heros
  19. venerat et nemoris sacra se nocte tegebat,
  20. tum quoque siderea clarus procul ora iuventa.