Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- conspicit et saeva vibrantes luce tenebras.
- 'quis rubor iste poli? quod tam lugubre refulsit
- sidus?' ait. reddit trepido cui talia virgo:
- ipsius en oculos et lumina torva draconis
- aspicis; ille suis haec vibrat fulgura cristis:
- me patiens[*](me patiens Sudhaus, cf. Aen. VII 490, Suet. vit. Caes. 61, Meque pauens V, nec paveas Leo ac uocat C, aduocat V | ultro M, ultra V ) contra solam videt ac vocat ultro,
- ceu solet, et blanda poscit me pabula lingua.
- dic age nunc, utrum vigilanti hostemque videnti
- exuvias auferre velis, an lumina somno
- mergimus[*](Mergimus cod. regius, T 1, Bon. l, Mergitur V ) et domitum potius tibi tradimus anguem?'
- ille silet: tantus[*](tantus M 2, tantos V | tum cod.regius. T 1, ut V ) subiit tum virginis horror.
- Iamque manus Colchis crinemque intenderat astris,
- carmina barbarico fundens pede, teque ciebat,
- Somne pater: 'Somne omnipotens, te Colchis[*](colchis M, colchidis V ) ab omni