Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- bellatrix tunc gleba quati[*](quati CT, quatit V ) pariterque creari
- armarique phalanx totisque insurgere campis.
- cessit et ad socios paulum se rettulit heros[*](heros M, he V )
- opperiens, ubi prima sibi daret agmina[*](agmina MC, agminia V ) tellus.
- at vero[*](At uero V, Aduerso C | cristis V, castris C ) ut summis iam rura recedere cristis
- vidit et infesta vibrantes casside terras,
- advolat atque, imo[*](imo T 1 Bon. 2 ima V ) tellus qua proxima collo
- necdum[*](Necdum M, Nectum V ) umeri videre diem, prior ense sequaci
- aequat humo truncos; rutilum thoraca sequenti
- aut primas a matre manus premit obvius[*](obuius M, obuiusi V ) ante,
- nec magis aut illis aut illis milibus ultra
- sufficit, ad dirae quam cum Tirynthius hydrae
- agmina Palladios defessus respicit ignes.
- ergo iterum[*](iterum T Iunt. 1, iter VC | socios T 1 Bon. 2, Socios V ) ad socias convertere Colchidos artes